Դուման ներողություն է պահանջում թերթից

ՌԴ Պետդուման պահանջում է  «Մոսկովսկի կոմսոմոլեց» թերթից` ներողություն խնդրել հասարակությունից: Պատգամավորները եկել են այն եզրակացությանը, որ թերթում տպագրված` «Քաղաքական մարմնավաճառությունը սեռը փոխել է» հոդվածը վիրավորում է ոչ միայն կին պատգամավորներին, այլև առհասարակ կանանց. տեղեկացնում է газета.ру-ն:

Պետդումայում ձայների մեծամասնությամբ ընդունվել է ներողություն պահանջող` «Լրատվամիջոցների կողմից խոսքի ազատության չարաշահման անթույլատրելիության մասին» փաստաթուղթը:

Սակայն թերթի գլխավոր խմբագիր Պավել Գուսեւն իր հոդվածով պատասխանել է, որ մտադիր չէ ներողություն խնդրել. «Ներկայումս գործում է «Լրատվամիջոցների մասին» օրենքը, որի համաձայն` եթե հոդվածը զրպարտում կամ  վիրավորում է, ապա մարդը, ում պատիվն արատավորվել է, կարող է դիմել դատարան»: