Ռուբեն Հակոբյանն ահաբեկել է հանձնաժողովի անդամներին. Սուքիաս Ավետիսյան

«Ես եւ Ռուբեն Հակոբյանը չենք վիճել: Նա իրեն ճիշտ չի պահել, հանձնաժողովի անդամներին ահաբեկել է, ես էլ միջամտել եմ»,- Yerkir.am-ի հետ զրույցում հայտարարեց ԱԺ ՀՀԿ խմբակցության պատգամավոր Սուքիաս Ավետիսյանը:

Թե ինչպե՞ս է «Ժառանգության» պատգամավորն ահաբեկել, ՀՀԿ-ական պատգամավորը չասաց, խորհուրդ տվեց հարցնել հանձնաժողովի անդամներին եւ դիտորդներին:

«Ինձ ինչո՞ւ եք հարցնում: Ես ընդամենը գնացել եմ, ասել, որ իրեն պարկեշտ պահի, առավել եւս` վստահված անձ է, նա իրավունք չունի մտնել տեղամաս` մարդկանց ահաբեկել»,- հայտարարեց Սուքիաս Ավետիսյանը:

Նա հայտարարեց, որ հանձնաժողովի նախագահն ահազանգել է ոստիկանություն, իրենց տարել են ոստիկանություն` բացատրություն տալու: Երկուսն էլ արդեն դուրս են եկել ոստիկանությունից: