ԱՌԱՎՈՏ. ՀՀ հարցը հետաքրքրում էր միայն ադրբեջանցիներին

Երեկ ԵԽԽՎ-ում Հայաստանի զեկույցի վերաբերյալ ելույթ ունենալու համար հերթագրված 10 անհատ պատվիրակներից 4-ը հայ էին, 6-ը` ադրբեջանցի: Ու թեեւ նիստը նախագահողը հորդորեց զուսպ խոսել ու միայն քննարկվող թեմայի շուրջ` ադրբեջանցիները Հայաստանի ժողովրդավարության եւ արտագաղթի մասին «անկեղծ մտահոգություններից» հետո էլի խոսում էին «օկուպցիայից» եւ «ագրեսիայից»:

«Ծիծաղելի է, որ ադրբեջանցիները մեզ դասեր են տալիս»,- ելույթում հայտարարեց Արմեն Ռուստամյանը: Իսկ Ջոն Պրեսկոտն ավելի կոշտ խոսեց. «Ինձ թվաց, թե սկսել է քննարկում Ադրբեջանի մասին: Եվ հավելեց. Ադրբեջանն աշխարհի ամենաժողովրդավարական հատվածը չէ»: Ու դիմելով այդ երկրի պատվիրակներին` կոչ արեց. «Այդ էներգիան, որ այդպես դահլիճում եք դրսեւորում` ձեր երկրում դրսեւորեք»: