Բաշիբոզուկ պաշտոնյաների արձագանքը

Հայաստանի նախագահի` հայագիտական առարկաների համահայկական օլիմպիադայի մասնակիցների` Արեւմտյան Հայաստանի եւ Արարատի վերադարձի մասին հարցին տված պատասխանին հիմա էլ անդրադարձել է Թուրքիայի փոխվարչապետ Բյուլենթ Արըչը:

Ըստ Haberturk-ի` Արընչը նշել է, թե վարչապետն արդեն այս հարցին «շատ լավ» պատասխան է տվել, իսկ Սերժ Սարգսյանն այդ հայտարարությունն արել է ներքին լսարանի համար:

Բայց Արընչը չի ալարել, եւ մի երկու խոսք էլ ինքն է ավելացրել: «Թուրքիան շատ հզոր պետություն է, ոչ ոք չի կարող Թուրքիային թարս նայել: Ոչ' մեր սարին, ո'չ  դաշտերին, ո'չ մեր ջրերին: Աստծո կամքով մենք այդ հողերի տերն ենք: Տեսեք, Հայաստանը տնտեսական դժվարությունների մեջ է, ժամանակին էլ, երբ քաղցած էին մնացել, Թուրքիայից ցորեն էինք ուղարկել: Խելքները թող գլուխները հավաքեն»,- հայտարարել է թուրք պաշտոնյան` խորհուրդ տալով չտարվել Սփյուռքի խաղերով: