Թուրք երկրպագուները խափանել են խաղը (տեսանյութ)

Երեկ երեկոյան Ստամբուլում Դոնեցկի «Շախտյորի» եւ թուրքական «Ֆեներբահչեի» ընկերական հանդիպումն այդպես էլ չի ավարտվել:

Հանդիպման 67-րդ րոպեին «Ֆեներբահչեի» երկրպագուները գրոհել են դաշտը եւ խառնվել ֆուտբոլիստներին:

Ըստ թուրքական լրատվամիջոցների` ֆանատների ագրեսիվության պատճառը եղել են լրագրողները, որոնք նախօրեին թուրքական ակումբի վերաբերյալ սուր հոդվածներ են տպագրել:

Թուրք երկրպագուները լրագրողների ուղղությամբ շշեր ու քարեր են նետվել: Այդ ամենից չափազանց վախեցել են հատկապես ուկրաինացի լրագրողները:

«Ֆեներբահչեի» ղեկավարությանը չի հաջողվել փրկել իրավիճակը, եւ խաղն այդպես էլ չի ավարտվել: Ի դեպ, այդ պահին խաղադաշտում է եղել նաեւ «Դոնեցկի» հայազգի ֆուտբոլիստ Հենրիխ Մխիթարյանը: