Լոռու մարզպետն ազատվեց պաշտոնից

ՀՀ կառավարությունն իր այսօրվա նիստում հաստատեց Արամ Քոչարյանին Լոռու մարզպետի պաշտոնից ազատելու որոշումը:

Ինչպես նշեց ՀՀ տարածքային կառավարման փոխնախարար Վաչե Տերտերյանը` Լոռու մարզպետն աշխատանքից ազատվել է իր դիմումի համաձայն:

Հատկանշական է, որ մինչեւ վերջին պահը թե' մարզպետը, թե' նրա մամուլի քարտուղարը հերքում էին պաշտոնանկման մասին լուրերը` դրանք համարելով լուրեր «բանահյուսության ոլորտից»:

Մամուլում լուրեր էին շրջանառվում նաեւ, որ մարզպետի հրաժարականը պայմանավորված է Տիգրան Սարգսյանի հետ ունեցած տարաձայնություններով:

Հատկանշական է, որ մարզպետի` աշխատանքից ազատվելու դիմումը կառավարության նիստում առանձնապես չքննարկվեց եւ անմիջապես հավանության արժանացավ: