ԺՈՂՈՎՈՒՐԴ. ՕԵԿ-ն ու պոպուլիզմն անբաժան են

Ընտրություններից առաջ ՕԵԿ-ի համար գործունեության լայն դաշտ է բացվել: Խոսքը, բնականաբար, ոչ թե քաղաքական, այլ պոպուլիստական գործունեության մասին է, որտեղ ՕԵԿ-ը չունի մրցակից: Եվ ահա այս կուսակցությունը որոշել է խորհրդարանը հեղեղել ամեն տեսակ օրենսդրական նախաձեռնություններով: Ընդ որում` այնքան էլ կարեւոր չէ, թե ինչ է գրված օրենսդրական նախագծում, կարեւորը թվաքանակն ապահովելն է ու, ամենակարեւորը, դրանք բավական խոսուն ներկայացնելը:

Օրինակ` ՕԵԿ խմբակցության պատգամավորները շրջանառության մեջ եւ դրել «Վենչուրային հիմնադրամների մասին» նախագիծը: Մինչ ընթերցողը կփորձի զանազան բառարաննում ու հանրագիտարաններում փնտրել «վենչուրային հիմնադրամ» հասկացությունը` հասկանալու համար, թե ՕԵԿ ակադեմիական մտքի թռիչքներն ինչ նոր գիտական բարձունքներ են նվաճել, տեղեկացնենք, որ դա մասնավոր ներդրումային հիմնադրամ է:

Այս կուսակցությունն առաջարկել է նաեւ «Լիզինգի մասին», «Պետական օժանդակության ուսումնական վարկերի մասին» կամ էլ «Մեծահասակների կրթության մասին» խոսուն վերնագրով օրինագծեր: