Արցախյան քարածխի հետքերով

Նախնական ուսումնասիրությունների համաձայն` Լեռնային Ղարաբաղի տարածքում գոյություն ունեն քարածխի մեծ պաշարներ: Ներկա պահին քննարկվում է այն հարցը, թե ինչպիսի՞ տեխնոլոգիայով եւ միջոցներով կարելի է այն արդյունահանել:

ԼՂՀ եւ Հայաստանի էներգետիկները մեծ նշանակություն են տալիս այդ հանքավայրերին եւ այն կարծիքին են, որ դրանք հնարավորություն կտան ինչ-որ չափով դիմակայել էներգակիրների համաշխարհային գների աճին:

Հանքավայրերի հետազոտությունից երեւում է, որ քարածուխը հնարավոր է արդյունահանել բաց եղանակով: Մոտ ժամանակներս երկրաբանները կավարտեն իրենց աշխատանքը եւ հնարավորություն կստեղծվի ավելի կոնկրետ ծրագրեր  մշակելու: