Կմիջամտեն հօգուտ Հայաստանի

Ռուս բարձրաստիճան գեներալներից Անդրեյ Տրետյակը, որը ՌԴ ՊՆ օպերատիվ շտաբի պետն է, ռազմական փորձագետների հետ քննարկել է Ղարաբաղի շուրջ հնարավոր զարգացումները և Ռուսաստանի ծրագրերը:

Ըստ Eurasianet.org  կայքի` իրատեսական է, որ Ղարաբաղում պատերազմի դեպքում Ռուսաստանը միջամտի հօգուտ Հայաստանի:

Գեներալ Տրետյակը  չի համաձայնել քննարկման մասնակիցներից մեկի դիտարկմանը, որ Ռուսաստանի հարաբերությունները Հայաստանի հետ ժանգոտվում են, և հստակ հայտարարել է, որ Ռուսաստանը կկատարի իր խոստումներն այդ երկրի նկատմամբ: Խոսելով այն մասին, որ Ռուսաստանը չմիջամտեց Ղրղզստանի հակամարտությանը և դա փորձություն էր Հավաքական անվտանգության պայմանագրի կազմակերպության (ՀԱՊԿ) համար, Տրետյակն ասել է, որ դա բոլորովին այլ իրադրություն էր: