Հիմա կապ ունի՞, թե՞ չունի

Երեկ ՀՀ նախագահը խորհրդակցություն է անցկացրել Հայաստանի ագրովերամշակման ոլորտի խոշոր ընկերությունների ղեկավարների հետ:

Հանդիպումը սպասված էր, քանի որ Սերժ Սարգսյանը ամիսներ առաջ հայտարարեց, որ պետք է կանգնել գյուղացու կողքին` գյուղատնտեսության ոլորտը համատեղ ուժերով զարգացնելու համար:

Մեր աղբյուրների համաձայն՝ խորհրդակցությանը հրավիրվածների ցանկում ի սկզբանե նշված էր եղել «Գրեյթ Վելլի» ընկերության նախագահ, ԱԺ պատգամավոր Տիգրան Արզաքանցյանի անունը, սակայն նրա՝ երկրից բացակայության պատճառով ցանկը վերանայվել է, եւ Արզաքանցյանի անունը փոխարինվել է նույն ընկերության գլխավոր տնօրեն, պատգամավորի եղբայր Լյովա Արզաքանցյանի անունով:

Հիշեցնենք, որ շաբաթներ առաջ Տ. Արզաքանցյանը «Հրապարակ» թերթին տված հարցազրույցում նշել էր, որ ինքն արդեն երկու տարի է` կապ չունի «Գրեյթ Վելլի» ընկերության հետ: