Ինչպես սուրբ դառնալ

Մայիսի 1-ին Վատիկանում 2,5 մլն հավատացյալներ ոգեկոչելու են Հովհաննես Պողոս Երկրորդ պապի հիշատակը: Արդեն քայլեր են ձեռնակվում նրան սրբերի շարքը դասելու համար:

Ընդհանրապես մարդկանց մահից 5 տարի հետո է քննվում նրանց կյանքն ու գործունեությունը, եւ Հռոմի պապը նրանց կաթոլիկ սրբերի շարքը դասելու որոշում է կայացնում:

Գոյություն ունեն որոշակի չափանիշներ, որոնք հաշվի են առնվում մարդուն սուրբ ճանաչելու համար:

1. Սուրբ դառնալու համար մարդը պետք է ամբողջ հոգով նվիրվի Աստծուն եւ լինի կատարյալ կաթոլիկ:

2. Պետք է սրբին վայել կյանք վարի` լինի անձնուրաց, բարեգործ եւ օրինակելի ուսուցիչ: Դա նաեւ ներառում է սիրել եւ ծառայել Աստծուն:

3. Պետք է գոնե 2 հրաշք կատարի:

4. Հուսա ամենալավի համար:

5. Գիտակցի, որ Հռոմի պապը չի սրբացնում, այլ սուրբ է ճանաչում նրան, ում Աստված է սրբացրել:

Սրբերի շարքը դասելու արարողությունը տարիներ է տեւում: Նախ` արքեպիսկոպոսը հետազոտում է թեկնածուի ապրած կյանքը եւ արձանագրում հրաշագործությունները: Հետո աստվածաբանների ու կարդինալների մի խումբ է գնահատում թեկնածուի կյանքը: Եթե նրանք հաստատում են թեկնածուի սուրբ լինելը, Հռոմի պապը հայտարարում է, որ այդ թեկնածուն կաթոլիկ արժեքների կրողն է: