Հանրապետությունում չէր, որ պարզաբաներ

Հանրապետության նախագահ Սերժ Սարգսյանը երեկ հայտարարել էր, որ իրենք պատրաստ են ընդդիմության հետ համագործակցելու հարցում առաջինը լինել եւ «լիցքաթափման քայլեր» կատարել:

«Ես արդեն հանձնարարել եմ արդարադատության նախարարին՝ տալ առաջարկություններ»,- ասել էր նախագահը:

Երեկ արդարադատության նախարարությունից փորձեցինք ճշտել, թե ինչ առաջարկությունների մասին է՝ նախարարին տրված հանձնարարականը եւ արդյո՞ք, «լիցքաթափման քայլեր» ասելով, նկատի են առնվում մարտիմեկյան իրադարձություններից հետո ձերբակալված ՀԱԿ ակտիվիստներին ազատ արձակելու մեխանիզմները:

Արդարադատության նախարարի մամուլի քարտուղար Կարինե Քալանթարյանը տեղեկացրեց, որ նախարար Հրայր Թովմասյանը հանրապետությունում չէ, եւ ինքը չի կարող ասել, թե ինչ հանձնարարականի մասին է խոսքը: