Շանտաժի քաղաքականությունը շարունակվում է

Պաշտոնական Անկարան, ինչպեսեւ սպասվում էր, ապրիլի 24-ին ընդառաջ լարել է դիվանագիտական ջանքերը` թե' տարբեր երկրներում, թե' տեղում`դեսպանություններում ու հյուպատոսություններում հանդիպումների միջոցով փորձելով ապահովել այդ երկրների չեզոքությունը Հայոց ցեղասպանության ճանաչման հարցում. այսօր «Արմատ» մամուլի ակումբում ասաց թուրքագետ Լևոն Հովսեփյանը:

Ինչ վերաբերում է թուրք-ադրբեջանական համագործակցությանը, ըստ բանախոսի, այն վերջին տարիներին ինտենսիվ զարգանում է, հատկապես` ռազմական համագործակցության ոլորտում:

Ըստ Լևոն Հովսեփյանի` հունիսի 12-ին տեղի ունենալիք Թուրքիայի խորհրդանական ընտրություններում Էրդողանի` «Արդարություն և զարգացում» կուսակցությունը կպահպանի իր դիրքերը խորհրդարանում, և Թուրքիայի քաղաքականության մեջ էական փոփոխություններ չեն լինի: