Անտերանոց

Մեր տեղեկություններով՝ երեք օր է, ինչ Քանաքեռում գտնվող ուռուցքաբանության ինստիտուտում հոսանք չկա:

Ապրիլի 1-ից, երբ հիվանդանոցում ջեռուցումը դադարեցվեց, հիվանդները դժգոհում էին ցրտից, հիմա էլ հոսանք չկա, եւ ցրտին ավելացել է հեռուստացույց, սառնարան եւ լամպ միացնելու հնարավորության բացակայությունը:

Որոշ հիվանդատերեր անգամ ցանկություն են հայտնել իրենց հիվանդների անկողնային բուժումը շարունակել տան պայմաններում: 

Մենք զանգահարեցինք ուռուցքաբանության ինստիտուտ եւ պատասխան ստացանք. «Հոսանքն այսօր արդեն տվել են սոնոգրաֆիայում ու լաբորատորիայում, կարող եք անալիզները բերել»:

Մեր հարցին, թե հիվանդների սենյակներում հոսանքը վերականգնե՞լ են, պատասխանեցին, որ չգիտեն: Չգիտեին նաեւ, թե ինչո՞ւ է հոսանքն անջատվել...արդեն երեք օր շարունակ: