Քադաֆին չի ընդունել զինադադարի առաջարկը

Լիբիայի կառավարությունը ապստամբների առաջարկած զինադադարն ընդունելը խելահեղություն է անվանում. հաղորդում է Al-Jazeera-ն:

Երեկ Լիբիայի կառավարության ներկայացուցիչ Մուսա Իբրահիմն ասել է, որ ապստամբները զինադադար չեն առաջարկում, այլ պահանջներ են ներկայացնում: Ըստ նրա` կառավարական ուժերը չեն պատրաստվում լքել իրենց վերահսկողության տակ առած արևմտյան քաղաքները, սակայն պատրաստ են բանակցությունների:

Հիշեցնենք, որ երեկ լիբիացի ապստամբների ղեկավար Աբդել Ջալիլը հայտարարել էր, որ համաձայն են ժամանակավոր զինադադար կնքել` պայմանով, որ կառավարական զորքերը կլքեն երկրի արեւմտյան քաղաքները` ապահովելով դրանց բնակիչների խոսքի ազատությունը: