Քադաֆին դարձյալ հայտնվել է հեռուստաէկրանին

Այսօր լիբիական պետական հեռուստատեսությամբ ցուցադրվել են կադրեր Լիբիայի ցեղախմբերի ղեկավարերը հանդիպումից, որին ներկա է եղել Լիբիայի առաջնորդ Մուամար Քադաֆին. տեղեկացնում է BBC-ն` հավելելով, որ, համենայն դեպս, ոչ մի ապացույց չկա, որ հանդիպումը երեկ է տեղի ունեցել:

Հեռուստահաղորդման նպատակն է, հավանորեն, ցույց տալ, որ Քադաֆին մայիսի 1-ին իր նստավայրի ռմակոծության ժամանակ չի զոհվել: Վերջերս ենթադրություններ էին արվում, որ որդու եւ երեք թոռների հետ ռմբակոծությանը զոհ է գնացել նաեւ երկրի առաջնորդը, քանի որ նա ոչ մի տեղ չէր երեւում, ելույթ չէր ունենում: Ասում էին նաեւ, թե նա առանձնացած սգում է հարազատների մահը: