Փոխարժեքներ
04 10 2024
|
||
---|---|---|
USD | ⚊ | $ 387.05 |
EUR | ⚊ | € 427.46 |
RUB | ⚊ | ₽ 4.07 |
GBP | ⚊ | £ 507.73 |
GEL | ⚊ | ₾ 141.66 |
Ճապոնիայի ինքնապաշտպանության ուժերի հատուկ մեքենաներն այսօր ավարտել են «Ֆուկուսիմա-1» ատոմակայանի երրորդ էներգաբլոկը ջրով սառեցնելու աշխատանքները: Այդ ամենախնդրահարույց էներգաբլոկի մոտակայքում աշխատել է 7 զինվորական մեքենա, որոնք երկրաշարժից վնասված շինության ճեղքերից հաջորդաբար ներս են լցրել մոտ 50 տոննա ջուր:
Երկրի պաշտպանության նախարար Տոսիմի Կիտաձավայի կարծիքով` երեկ զինվորական ուղղաթիռներից իրականացված նույնատիպ գործողությունը որոշակի արդյունք է տվել, եւ հաշվի առնելով դա` անհրաժեշտ է շարունակել այդ աշխատանքները:
Ատոմակայանի տարածք է ուղարվել նաեւ Տոկիոյի հրշեջ վարչության էլիտար ջոկատը, որի մեքենաները հարմարեցված են բարձր ռադիոակտիվությամբ գոտիներում աշխատանքներին:
Մասնագետները նշում են, որ երեկ եւ այսօր իրականացված գործողությունների շնորհիվ ռադիոակտիվությունը փոքր-ինչ նվազել է, սակայն վիճակը դեռ կայուն չէ, եւ հարկավոր է աչալուրջ լինել: