ՉՈՐՐՈՐԴ ԻՆՔՆԻՇԽԱՆՈՒԹՅՈՒՆ. Տոկոսով փող տալու պատճառով

Անցած շաբաթ հայտնի դարձավ` ԱԺ նախագահ Հովիկ Աբրահամյանի խորհրդական Թաթուլ Մանասերյանը աշխատանքից ազատվելու դիմում է ներկայացրել: Իր որոշումը նա պատճառաբանել է գիտական աշխատանքի անցնելու ցանկությամբ: Հիշեցնենք` Թաթուլ Մանասերյանը տնտեսական գիտության դոկտոր է, «Այլընտրանք» հետազոտական կենտրոնի հիմնադիրը:

«ՉԻ» տեղեկություններով` իրականում Մանասերյանը ոչ թե ինքն իր կամքով է հրաժարական ներկայացրել, այլ նրան դա հուշել է Հովիկ Աբրահամյանը: Վերջինիս տեղեկություններ են հասել, թե իր խորհրդականն ԱԺ աշխատակիցներին տոկոսով փող է տալիս:

Երբ համոզվել է, որ դա իրականում այդպես է, իր մոտ է կանչել Մանասերյանին` նրանից պահանջելով անմիջապես դիմում գրել եւ հեռանալ աշխատանքից: Մանասերյանն էլ ի կատար է ածել վերադասի հրամանը: