Երկար դեգերումներից հետո հայրենիքն ընդունեց նրան

Հնդկաստանը, ամենայն հավանականությամբ, կդառնա 2012-ի շախմատի աշխարհի առաջնության եզրափակիչի մրցավայրը: Այս մասին տեղեկացնում է The Times of India թերթը:

Հնդկաստանը որոշել է պայքարել առաջնության կազմակերպման համար այն բանից հետո, երբ Լոնդոնը հրաժարվեց մրցաշարի կազմակերպումից: 

Վերջերս ՖԻԴԵ-ի նախագահական խորհրդի աշխատանքներին ներկա են գտնվել Հնդկաստանի շախմատի ֆեդերացիայի քարտուղարը, ինչպես նաև ՖԻԴԵ-ի փոխնախագահ, հնդիկ Սունդարը: Վերջինս թերթին տեղեկացրել է, որ ՖԻԴԵ-ին առաջարկվել է  Հնդկաստանի թեկնածությունը, սակայն վերջնական որոշումը կընդունվի մայիսին, երբ ավարտված կլինեն հավակնորդների մրցախաղերը:

Մրցավայրի ընտրության համար պահանջվում է ներկայիս աշխարհի չեմպիոն Վիշվանաթան Անանդի համաձայնությունը:

Եթե որոշումը, այնուամենայնիվ, կայացվի Հնդկաստանի օգտին, մրցավայրի ամենահավանական վայրը Չենայ քաղաքն է: Հնդկաստանի շախմատի ֆեդերացիան արդեն որոշել է այս տարի Չենայում անցկացնել պատանիների աշխարհի առաջնությունը, և սա կազմակերպչական առումով շատ օգտավետ կլինի:

Հիշեցնենք, որ հավակնորդների մրցաշարի մասնակիցների թվում է նաև Լևոն Արոնյանը: