Էթնոհանցագործության դեմ պայքարի հատուկ ստորաբաժանում

Մոսկվայի բնակիչների եւ հասարակական կազմակերպությունների ներկայացուցիչների հետ հանդիպման ժամանակ քաղաքի ներքին գործերի վարչության ղեկավար Վլադիմիր Կոլոկոլցեւը չի բացառել, որ քաղաքի քրեական հետախուզությունում ստեղծվի էթնիկ հանցագործության դեմ պայքարի հատուկ ստորաբաժանում: Վարչության ղեկավարը նշել է տվյալներ, ըստ որոնց` Մոսկվայում կատարվող բոլոր հանցագործությունների մոտ 70 տոկոսի հեղինակները եկվորներ են: Նա հրաժարվել է այդ թիվը ներկայացնել ըստ ազգային պատկանելության` մատնանշելով հարցի նրբությունը:

Վլադիմիր Կոլոկոլցեւը հայտնել է, որ վերջին 10 ամիսներին Մոսկվայում 79 տոկոսով աճել է բռնաբարությունների թիվը: «Չարագործների մեջ բավական մեծ տոկոս են կազմում ԱՊՀ նախկին հանրապետությունների, մասնավորապես` ասիական պետությունների ներկայացուցիչները»,- ասել է Կոլոկոլցեւը` միաժամանակ կոչ անելով չշահարկել այդ փաստն ու ընդհանրացված եզրակացություններ չանել: