ԵԱՏՄ երկրների արտադրողների համար կհեշտացվի մուտքը արտաքին շուկաներ. Միշուստին

Եվրասիական տնտեսական միության երկրների արտադրողների համար ավելի հարմար կլինի ապրանքներ մատակարարելը արտաքին շուկաներ: Այս մասին կառավարության նիստում հայտարարել է Ռուսաստանի վարչապետ Միխայիլ Միշուստինը:

Խոսքը ԵԱՏՄ-ից արտահանվող ապրանքների ծագման որոշման ներդաշնակեցված համակարգի վերաբերյալ համաձայնագրի վավերացման մասին է։

«Հնարավոր կլինի վարչական ընթացակարգեր անցնել շատ ավելի արագ՝ ինչպես պարտադիր պահանջների մեղմացման, այնպես էլ թվային հարթակների օգտագործման պրակտիկայի ընդլայնման շնորհիվ, որոնք թույլ են տալիս գրեթե ամբողջությամբ հրաժարվել թղթային կրիչներով փաստաթղթերի տրամադրումից», - ասել է Միշուստինը:

Իշխանությունները հույս ունեն, որ ԵԱՏՄ-ից արտահանողների համար միասնական մեխանիզմները կսկսեն գործել արդեն մոտ ժամանակներս։