Իսրայելը անօդաչու թռչող սարքով հարձակվել է Հարավային Լիբանանի վրա

Իսրայելի բանակը անօդաչու թռչող սարքի միջոցով ավիահարված է հասցրել Լիբանանի Բեյթ Լիֆ գյուղին, որը գտնվում է երկրի հարավային մասում, հաղորդում է լիբանանյան պաշտոնական NNA գործակալությունը։

Աղբյուրի փոխանցմամբ՝ հարձակումը տեղի է ունեցել Նաբաթիե նահանգի Բինտ Ջբեյլ շրջանում: Բեյթ Լիֆայի վրա արձակվել է երկու հրթիռ, որի հետևանքով վիրավորվել է երեք մարդ, որոնցից մեկը ծանր վիճակում է:
Իսրայելական կողմը դեռևս չի մեկնաբանել միջադեպը։

Չնայած Իսրայելի և Լիբանանի միջև 2024 թվականի նոյեմբերի 27-ին կնքված հրադադարի համաձայնագրին, իսրայելական բանակը պարբերաբար խախտում է դրա պայմանները: Չնայած զորքերը դուրս բերելու իր պարտավորությանը, Իսրայելը շարունակում է պահպանել իր ներկայությունը Լիբանան-Իսրայել սահմանի առնվազն հինգ վայրերում:

Իսրայելի օդային և ցամաքային հարվածները լուրջ վնաս են հասցրել Լիբանանի հարավում գտնվող բնակեցված տարածքներին: Նույնիսկ հրադադարի հայտարարումից ամիսներ անց իսրայելական բանակը շարունակում է անօդաչու թռչող սարքերով հարձակվել սահմանային տարածքներում գտնվող տրանսպորտային միջոցների և առանձին օբյեկտների վրա: