Մահացել է Վահան Շիրխանյանը

Երկարատև հիվանդությունից հետո այսօր մահացել է Վահան Շիրխանյանը։ Նա 77 տարեկան էր։ Այս մասին հայտնել են Շիրխանյանի հարազատները։

Վահան Շիրխանյանը ծնվել է 1947 թվականի հուլիսի 15-ին։ Ավարտել է Թուրքմենստանի պետական համալսարանը՝ ստանալով աշխարհագրագետ-տնտեսագետի որակավորում։ Աշխատել է Բյուրականի աստղադիտարանում։ 

Նա զբաղեցրել է մի շարք պետական պաշտոններ, այդ թվում՝ եղել է ՀՀ պաշտպանության նախարարի տեղակալ։ 1999-2000 թվականներին՝ ՀՀ արտադրական ենթակառուցվածքների գործունեությունը համակարգող նախարար։

2015 թվականի դեկտեմբերին Վահան Շիրխանյանը ձերբակալվել է ԱԱԾ-ի կողմից՝ Արթուր Վարդանյանի գլխավորած «զինված հանցախմբի» գործի շրջանակում։ Նրան մեղադրանք էր առաջադրվել հանցավոր համագործակցությանը մասնակցելու համար։ 2018 թվականի հունիսի 25-ին նա ազատ արձակվեց դատարանի դահլիճից։