Բորելը դժգոհել է, որ ԵՄ ոչ բոլոր բնակիչներն են հասկանում Ուկրաինայի ծախսերը

Եվրոպական դիվանագիտության ղեկավար Ժոզեպ Բորելը դժգոհել է, որ Եվրամիության ոչ բոլոր բնակիչներն են հասկանում, թե ինչու են իրենց գումարները գնում Ուկրաինայի կարիքներին, փոխանցում է РИА Новости-ն։

Ավելի վաղ Բորելը հայտնել էր, որ ԵՄ-ն Ուկրաինային տրամադրել է 122 միլիարդ եվրոյի ռազմական, քաղաքացիական, հումանիտար և ուղղակի ֆինանսական օգնություն։

«Եվրոպայում ոչ բոլորն են հասկանում, թե ինչու մենք պետք է ծախսենք 122 միլիարդ եվրո Ուկրաինայի վրա», - ասել է Բորելը ուկրաինական European Pravda հրատարակությանը տված հարցազրույցում։

Նա առաջարկել է, որ Եվրոպան կարող է ստիպված լինել «քաղաքական մանկավարժությամբ» զբաղվել՝ ԵՄ բնակիչներին ապացուցելու համար, որ իրենց շահերից է բխում իրենց հարկերը տալ Ուկրաինային: Ինչպես խոստովանել է դիվանագետը, եթե ԵՄ բնակիչները չեն ցանկանում շարունակել Կիևի ֆինանսավորումը, ապա այն պետք է դադարեցվի։

Հիշեցնենք՝ ԵՄ արտաքին գործերի և անվտանգության քաղաքականության հարցերով բարձրագույն ներկայացուցիչ Ժոզեպ Բորելը շաբաթ օրը ժամանել էր Կիև։ Դա նրա հինգերորդ այցն է եղել Ուկրաինա՝ Ռուսաստանի հետ պատերազմից հետո և վերջինը՝ այս պաշտոնում։