ԵԱՏՄ-ում Իրանին դիտորդի կարգավիճակ տալու որոշումը կարող է ընդունվել մինչև տարեվերջ. Օվերչուկ

Եվրասիական տնտեսական միությունում (ԵԱՏՄ) Իրանին դիտորդի կարգավիճակ տալու մասին որոշումը կարող է ընդունվել դեկտեմբերի վերջին։ Այս մասին ԵԱՏՄ միջկառավարական խորհրդի նիստից հետո լրագրողներին ասել է ՌԴ փոխվարչապետ Ալեքսեյ Օվերչուկը, գրում է ТАСС-ը։

«Կան որոշակի ընթացակարգեր, ապա, սկզբունքորեն, ԵԱՏՄ-ում Իրանի դիտարկման որոշումը կարող է կայանալ մոտավորապես այս տարվա դեկտեմբերի վերջին»,- ասել է Օվերչուկը։

Մեկնաբանելով Եվրասիական տնտեսական միությունում դիտորդի կարգավիճակով Իրանի շահագրգռվածությունը՝ փոխվարչապետը նշել է, որ ռուսական կողմն իր շահագրգռվածությունն է հայտնում Իրանի Իսլամական Հանրապետության հետ տնտեսական կապերը զարգացնելու հարցում։

Ավելի վաղ հայտնել էինք, որ Իրանը ԵԱՏՄ-ին կից դիտորդ երկրի կարգավիճակ ստանալու հայտ է ներկայացրել։