կարևոր
2752 դիտում, 1 ամիս առաջ - 2024-05-12 11:05
Հասարակություն

Միանգամից 2 ապտակ` նկարում պատկերված «լեգիտիմ» դեմքին. դիտարկում

Միանգամից 2 ապտակ` նկարում պատկերված «լեգիտիմ» դեմքին. դիտարկում

Երգչուհի, երգահան Լիլիթ Բլեյանը գրում է.

«Ուշադրություն բոլոր նրանց, ովքեր իրենց սոցցանցային էջերին հպարտորեն դրել են ՀՀ «լեգիտիմ» վարչապետի նկարը։ Շատ կարևոր բան է կատարվել, որը ձեզ համար իրավիճակ է փոխում։

Երեկ այդ նկարում պատկերված «լեգիտիմ» դեմքին միանգամից երկու ապտակ է շրխկացել դրսից։

Մեկը հարևան բարիդրացիական երկրի ղեկավարի կողմից, որը, պարզվում է, մեզ դավադրաբար դեռ թշնամի է անվանում ու հպարտ զեկուցում իր ժողովրդին, որ առանց որևէ ջանքի նվեր է ստանում իր պահանջած գյուղերը։

Երկրորդը և ամենաանմարդկայինը.

պատմության մեջ առաջին անգամ ՀՀ կառավարությանը մեղադրում են սեփական ժողովրդի ցեղասպանությունն արդարացնելու և ցեղասպանության շարունակությանը նպաստելու մեջ։ Մեղադրողը ցեղասպանությունների խնդրով զբաղվող ամենահեղինակավոր կազմակերպությունն է` Լեմկինի ինստիտուտը։

Ես ձեզ սուրճի չեմ հրավիրում, ես չեմ էլ չարախնդում։

Ես ձեզ խնդրում եմ հասկանալ, որ ձե'զ, բոլորի'դ, ամեն մեկիդ վրա նույնպես տարածվում է սեփական ժողովրդի ցեղասպանությանը նպաստողի` արդեն միջազգայնորեն բարձրաձայնվող կարգավիճակը»։