ՌԴ սահմանային տարածք բոլոր ներթափանցման փորձերն ու հարձակումները կանխվել են․ ՊՆ

Բելգորոդի ուղղությամբ ՌԴ սահմանային տարածք բոլոր ներթափանցման փորձերն ու հարձակումները կանխվել են։ Ոչնչացվել է մինչև 65 ուկրաինացի զինյալ և Vampire ՀԿՌՀ մարտական մեքենա։ Տեղեկությունը հայտնել է ՌԴ ՊՆ-ն։

«Բելգորոդի ուղղությամբ կրակային խոցմամբ և ռուսական ստորաբաժանումների գրագետ գործողություններով հետ են մղվել հարձակումներն ու կանխվել են Բելգորոդի մարզի Կոզինկա բնակավայրի շրջանում ուկրաինացի գրոհայինների դիվերսիոն-հետախուզական խմբերի ներթափանցման բոլոր փորձերը», - հայտնել են այնտեղ:

ՌԴ ՊՆ տվյալներով՝ ավիացիայի, անօդաչու թռչող սարքերի հարվածների և հրետանու կրակի հետևանքով ոչնչացվել է մինչև 65 ուկրաինացի զինյալ, չեխական արտադրության Vampire ՀԿՌՀ մարտական մեքենա և Դ-20 հրանոթ: