30 04 2024
|
||
---|---|---|
EUR | ⚊ | 416.21 |
GBP | ⚊ | 486.55 |
GEL | ⚊ | 144.68 |
RUB | ⚊ | 4.16 |
USD | ⚊ | 388 |
«30 տարիների ընթացքում Արցախից բազմաթիվ քաղաքացիներ տեղափոխվել են և սկսել են ապրել Հայաստանում և չկա որևէ մարդ, որ պաշտոնապես դիմում է գրել ՀՀ քաղաքացիություն ստանալու համար»,-այս մասին ասուլիսի ժամանակ նշեց «Արցախյան 3-րդ պատերազմում զոհված և անհայտ կորած զինծառայողների հարազատների միություն» ՀԿ նախագահ Արմեն Ասրյանը:
«Սա ի՞նչ է նշանակում, մենք մեկ անձնագիր ունենալով երկու պետությունների քաղաքացի՞ ենք եղել: Սա մանիպուլյացիա եմ համարում: Վաղը կարող են որոշում ընդունել, որ այն մարդիկ, որոնք փախստականի կարգավիճակ չունեն, այս-այս ծրագրերից չեն օգտվում: Բացի դրանից նրանք ստիպված են լինելու իրենց 070 կոդով անձնագրերը փոխելու, քանի որ չունեն չունեն փախստականի փաստաթուղթը եւ իրենց անձնագրերը արտասահմանում անվավեր են: Այսինքն չեն կարող թեկուզ 5 օրով դուրս գնալ-գալ: Սա այդ մարդկանց իրավունքների ոտնահարում է»,-ասաց նա:
Իր հերթին «Արցախի պահեստազորի սպաների միություն» ՀԿ Վարչության անդամ Գեղամ Միքայելյանն, անդրադառնալով արցախցիների աշխատանքի հետ կապված խնդիրներին, ասաց. «Արցախիցները շատ են ուզում աշխատել, բայց աշխատանք չկա: Անգամ պահեստազորի գնդապետն ուզում է շատ ցածր վարձատրվող աշխատանք գտնի, բայց չկա: Ցավալի է, բայց կասկած կա, որ արցախցիների շատ մեծ արտագաղթ կլինի Հայաստանից, իսկ արցախցիների հեռանալը Հայաստանի համար կլինի ավելի մեծ կարուստ, քան Արցախի ժամանակավոր անկումը»:
Մանրամասն՝ տեսանյութում