Սպիտակ տունը հայտարարել է, որ Ամերիկյան զորքերը չեն կռվի Ուկրաինայում

Ամերիկյան զորքերը Ուկրաինայում չեն կռվի։ Այս մասին ճեպազրույցում հայտարարել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին՝ ի պատասխան Ֆրանսիայի նախագահ Էմանուել Մակրոնի՝ դաշնակիցներին «վախկոտություն չցուցաբերելու» կոչը մեկնաբանելու խնդրանքին, գրում է ТАСС-ը։

«Ես չեմ վերլուծի նախագահ Մակրոնի խոսքերը, նա միանշանակ իրավունք ու հնարավորություն ունի արտահայտելու իր կարծիքը։ Ես կարող եմ խոսել միայն Բայդենի՝ գլխավոր հրամանատարի անունից: Նա Ուկրաինայում հակամարտության հենց սկզբից հասկացրել է, որ ամերիկյան զորքերը չեն կռվի ուկրաինական տարածքում»,- ասել է Քիրբին։