ՀԱՊԿ-ը հայ-ադրբեջանական սահմանին հակամարտության սրման հավանականությունը մեծ է համարում

ՀԱՊԿ-ը հայ-ադրբեջանական սահմանին հակամարտության սրման հավանականությունը մեծ է համարում՝ընդգծելով, որ իրավիճակը կարգավորելու համար անհրաժեշտ է խաղաղության պայմանագիր։ ТАСС-ի փոխանցմամբ՝ այս մասին ճեպազրույցում հայտարարել է ՀԱՊԿ միացյալ շտաբի պետ, գեներալ-գնդապետ Անդրեյ Սերդյուկովը։

«Կան առանձին պետությունների փորձեր՝ ամրապնդելու սեփական դիրքերը Հարավային Կովկասում, մուտք գործելու դեպի Կասպից ծովի ռեսուրսները և ապահովելու իրենց անմիջական մուտքը Կենտրոնական Ասիա», - ասել է Սերդյուկովը։ Այդ նպատակով, ըստ Սերդյուկովի, ակտիվորեն օգտագործվում է հայ-ադրբեջանական սահմանը, և ի թիվս այլ բաների, հաշտության համաձայնագրի կնքումը կարևոր է իրավիճակի հետագա կարգավորման գործում։

Նրա խոսքով, Արևմուտքը ձգտում է ազդել Բաքվի և Երևանի հետկոնֆլիկտային կարգավորման վրա՝ չնայած Հայաստանի անդամակցությանը ՀԱՊԿ-ին։

«Չնայած Կազմակերպությանը Հայաստանի անդամակցությանը, դրսից փորձերը շարունակում են ազդել հետկոնֆլիկտային կարգավորման ձևաչափի վրա»,- նշել է շտաբի պետը։