Եվս մեկ քայլ՝ դեպի ՆԱՏՕ․ ի՞նչ են որոշել Կիևի հարցով

ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ դաշնակիցները համաձայնության են եկել երեք տարրերից բաղկացած փաթեթի շուրջ, որպեսզի Ուկրաինային մոտեցնեն ՆԱՏՕ-ին անդամակցությանը։

«Դա ներառում է՝ օգնել բանակը համապատասխանեցնել ՆԱՏՕ-ի չափանիշներին, ստեղծել Ուկրաինա-ՆԱՏՕ ձևաչափ, որում Ուկրաինան հավասար ձայնի իրավունք կունենա դաշինքի անդամների հետ, ինչպես նաև չեղարկել ՆԱՏՕ-ին միանալու ստանդարտ պլանը:
Մենք Ուկրաինային ՆԱՏՕ-ին միանալու հրավեր կուղարկենք, երբ դաշնակիցները համաձայնեն, և պայմանները կատարվեն»,- ասել է Ստոլտենբերգը։

Նրա խոսքով, ՆԱՏՕ-ի անդամ երկրները միասին կաշխատեն Չինաստանի վարքագծի դեմ, որը հրաժարվում է դատապարտել Ռուսաստանի պատերազմն Ուկրաինայի դեմ և դրանով իսկ խարխլում է աշխարհակարգի հիմքերը։