Եվս 307 զինվորական է ազատ արձակվել Կիևի հետ գերիների փոխանակման շրջանակում. ՌԴ ՊՆ

Եվս 307 ՌԴ զինծառայողներ են վերադարձել Կիևի ռեժիմի վերահսկողության տակ գտնվող տարածքից։ Այս մասին հայտնում է ՌԴ ՊՆ-ն։

Մայիսի 23-ին հաղորդվել էր, որ 270 գերեվարված զինվորականներ և 120 քաղաքացիական անձինք Ռուսաստան են վերադարձել փոխանակման շրջանակում, որի մասին պայմանավորվածություն էր ձեռք բերվել Ուկրաինայի հետ Ստամբուլում: Ռուսաստանն Ուկրաինային է փոխանցել նաև 270 գերի և 120 քաղաքացիական անձ։

«Մայիսի 24-ին, ռուս-ուկրաինական պայմանավորվածությունների համաձայն, որոնք ձեռք են բերվել մայիսի 16-ին Ստամբուլում, Կիևի ռեժիմի վերահսկողության տակ գտնվող տարածքից վերադարձվել է ևս 307 ռուս զինծառայող», - ասվում է հաղորդագրության մեջ: