Ռուսները պատրաստվում են վճռորոշ ճակատամարտի Սևերոդոնեցկի համար. ամերիկացի փորձագետներ

Ռուս զինվորականներն իրենց հիմնական ուժերը կենտրոնացնում են Արևելյան Ուկրաինայում և պատրաստվում են հարձակման Սևերոդոնեցկի դեմ. ասվում է Պատերազմի ուսումնասիրման ինստիտուտի (ISW) հայտարարության մեջ։ Հաղորդվում է, որ ռուսներն ուժեղացնում են գործողությունները՝ Լուգանսկի շրջանի Պոպասնայա քաղաքից հյուսիս և արևմուտք շարժվելու համար:

Ըստ ԱՄՆ պաշտոնյաների՝ ռուսական ուժերը սկսել են գործել ոչ թե գումարտակային մարտավարական խմբի մակարդակով, այլ վաշտային, որպեսզի կենտրոնանան Դոնբասի բնակչության որոշակի կենտրոնների գրավման վրա:

ԱՄՆ պաշտպանության նախարարության ներկայացուցիչը նաև նշել է, որ ռուսական ուժերը շարունակում են խնդիրներ ունենալ հրամանատարների միջև հաղորդակցության համակարգման և ցամաքային հարձակումներին աջակցելու համար հրետանային կրակի համաժամանակեցման հարցում: