Քայլերթի մասնակիցներն արդեն ոստիկանության շենքի մոտ են

Քաղաքացիները Ֆրանսիայի հրապարակից քայլերթ են իրականացրեցին՝ դեպի ՀՀ ոստիկանության շենք՝ ներկայացնելու իրենց պահանջները։ Իշխան Սաղաթելյանը, դիմելով ՀՀ ոստիկանապետին, հայտարարեց, որ պետք է անհապաղ կասեցնել բոլոր այն ոստիկանների լիազորությունները, որոնք ապօրինություն են իրականացրել, պետք է անուն առ անուն պատասխանատվության ենթարկվեն։ Սաղաթելյանը հայտարարեց, որ պետք է սկսվի իրավական գործընթաց՝ հանցագործություններ կատարած ոստիկաններին հանձնարարություններ և երաշխիքներ տված անձանց անունները պարզելու համար։

«Պահանջում ենք, որ ոստիկանապետը հանդես գա հրապարակային գնահատականով այս վայրագությունների նկատմամբ, և այլևս բացառվի որևէ անհամաչափ և բռնի գործողություն քաղաքացիների նկատմամբ» ,- հայտարարեց Սաղաթելյանը։