ՏԵՍԱՆՅՈՒԹ․ Իջևանի ուղղությամբ երթի մասնակիցներն արդեն Երևանում են

Իջևանի ուղղությամբ «Դիմադրություն» շարժման երթի մասնակիցներն արդեն Երևանում են․ քաղաքի մուտքին նրանց դիմավորեցին աջակիցներն ու համախոհները՝ հայտնում է Yerkir.am-ը։

ԱԺ «Հայաստան» խմբակցության պատգամավոր Ասպրամ Կրպեյանը ասաց՝ շատ ուրախ է, որ հանուն հավերժաման Հայաստանի իրենց 150 կմ-անոց քայլերթն արդեն մոտենում է ավարտին։

«Բայց սա միայն իրազեկման գործողությունների ավարտն է, մենք այսօր արդեն Երևանի կենտրոնից մեկնարկում ենք դիմադրության շրջափուլը։ Վճռականությունը շատ մեծ է, մենք մարտական ոգով ենք հաղթահարել այս քայլերթը և վճռական ենք վերահաստատելու մեր անբեկանելի կամքը՝ պայքարելու հանուն հավերժական Հայաստանի և հանուն հայ մարդու արժանապատվության»,-ասաց Ասպրամ Կրպեյանը։

Նշենք, որ Հայաստանի խորհրդանշական 4 կողմերից՝ Իջևանից, Տիգրանաշենից, Սարդարապատից ու Ապարանից դեպի Երևան շարժվող քայլերթերն արդեն մտնում են Երևան։ Նրանց դիմավորում են մայրաքաղաքի մուտքի մոտ ու ուղեկցում Ֆրանսիայի հրապարակ, որտեղ էլ ժամը 16։00-ին տեղի կունենա համաժողովրդական հանրահավաքը՝ ապազագին իշխանություններին հեռացնելու ու Արցախը հայկական պահելու պահանջով։

Մանրամասն՝ տեսանյութում․