ՏԵՍԱՆՅՈՒԹ․ Տիգրանաշենի ուղղությամբ երթի մասնակիցներն արդեն Երևանում են

Տիգրանաշենի ուղղությամբ «Դիմադրություն» շարժման երթի  մասնակիցներն արդեն Երևանում են․ քաղաքի մուտքին նրանց դիմավորեցին աջակիցներն ու համախոհները՝ հայտնում է Yerkir.am-ը։

ՀՅԴ Արարատի Մարզային կոմիտեի ներկայացուցիչ Գերասիմ Վարդանյանը հայտարարեց, որ գնալու են մինչև վերջ։

«Տիգրանաշենի ուղղությամբ երթի մասնակիցնե՛ր և դիմավորողնե՛ր, մեր պայքարը թևակոխում է վճռական փուլ, պատրաստ ենք այս հարցը լուծելու, գնալու ենք մինչև վերջ, հաղթելու ենք՝ Արցախը մերն է՝ մերն է լինելու»,-ասաց Գերասիմ Վարդանյանը։

Նա նշեց, որ այժմ էլ քայլելու են դեպի Շենգավիթ, ապա Ֆրանիսայի հրապարակ։

ԱԺ «Հայաստան» խմբակցության պատգամավոր Աննա Գրիգորյանն ասաց՝ այս մարդկանց ոգին հաղթելու է։

«Այս 5 օրերին տեսել ենք՝ ինչ ոգի է ձեր մեջ, այդ նույն ոգով գնում ենք Ֆրանսիայի հրապարակ, որտեղ մեծ հանրահավաքն է, այս ոգին հաղթելու է»,-ասաց Աննա Գրիգորյանը։

Նշենք, որ Հայաստանի խորհրդանշական 4 կողմերից՝ Իջևանից, Տիգրանաշենից, Սարդարապատից ու Ապարանից դեպի Երևան շարժվող քայլերթերն արդեն մտնում են Երևան։ Նրանց դիմավորում են մայրաքաղաքի մուտքի մոտ ու ուղեկցում Ֆրանսիայի հրապարակ, որտեղ էլ ժամը 16։00-ին տեղի կունենա համաժողովրդական հանրահավաքը՝ ապազագին իշխանություններին հեռացնելու ու Արցախը հայկական պահելու պահանջով։

Մանրամասն՝ տեսանյութով․