Ձեր դիտողությունն իմ հանդեպ ընդունված է․ փոխնախարարը՝ Արթուր Խաչատրյանին

Ազգային ժողովը քննարկում է «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» օրենքում լրացում կատարելու մասին նախագիծը։

Հիմնական զեկուցող՝ ԱՆ փոխնախարար Լենա Նանուշյանը նշեց, որ  վերջին շրջանում Հայաստանում ի հայտ են եկել ծխախոտային նոր արտադրատեսակներ, որոնք պարունակում են նիկոտին, սակայն լուծույթի գոլորշիացմամբ չեն աշխատում։

«Հայաստան» խմբակցության պատգամավոր Արթուր Խաչատրյանը հետաքրքրվեց հիմնական զեկուցողից՝ եթե հրատապությունը կար,  ինչո՞ւ  հարցը չներառվեց նախորդ լիագումար նիստերի օրակարգում։ Ի պատասխան փոխնախարարը նշեց, որ, հնարավոր է, խոչընդոտներ են եղել, բայցհարցին  մանրամասն կպատասխանի  իր գործընկերը։

Արձագանքելով փոխնախարարին՝ Արթուր Խաչատրյանը նշեց․ «Տիկի՛ն Նանուշյան, օրակարգի հարցի զեկուցողն եք, եթե անդրադառնում եք հարցին, պետք է կարողանայիք լիարժեք պատասխանել»։

«Ձեր դիտողությունն իմ հանդեպ ընդունված է, հաշվի կառնեմ և  հաջորդ ելույթի ժամանակ պատրաստված կլինեմ»,- արձագանքեց Նանուշյանը։

Մանրամասն տեսանյութում։