Հայտնի ռուսատյաց Դմիտրի Գորդոնն ընտանիքին տարհանել է Ուկրաինայից

Ուկրաինացի լրագրող Դմիտրի Գորդոնը հաստատել է, որ իր ընտանիքի մի մասին դուրս է բերել Ուկրաինայից ռուսական հնարավոր ներխուժման պատճառով։ Այս մասին նա ասել է «Украина 24» հեռուստաալիքի եթերում։

Նրան խնդրել են մեկնաբանել այն տեղեկությունը, որ ընտանիքին արտերկիր է տարել։

«Ես հասկանում եմ՝ քանի որ Պուտինի անձնական թշնամին եմ, կարող է հարված հասցվել իմ ընտանիքին, եթե նրանք (ռուսները) հայտնվեն Կիևում, հետևաբար, ինձ համար միանշանակ է, որ ես մնում են տանը, կինս՝ նույնպես, իսկ այն մարդիկ, որոնց համար ես պատասխանատու եմ, պետք է ապահով լինեն»,- ասել է նա։

Լրագրողի խոսքով՝  ինքը Վիեննա է տարել իր հորը, պապիկին, կնոջ մորն ու երեխաներին, քանի որ չի ցանկանում նրանց ռիսկի ենթարկել։