Փոխարժեքներ
28 10 2024
|
||
---|---|---|
USD | ⚊ | $ 387.13 |
EUR | ⚊ | € 418.76 |
RUB | ⚊ | ₽ 3.98 |
GBP | ⚊ | £ 502.61 |
GEL | ⚊ | ₾ 141.68 |
Թուրքիայի «Ազգայնական շարժում» կուսակցության (MHP) (համարվում է ազգայնական և ֆաշիստական «Գորշ գայլեր» խմբավորման քաղաքական թեւը) պատգամավորները հարգանքի տուրք են մատուցել Չեչնիայի ինքնահռչակ՝ Իչկերիայի Հանրապետության առաջին նախագահ Ջոհար Դուդաևի հիշատակին։
«Ողորմությամբ և աղոթքներով մենք հարգում ենք Ջոհար Դուդաևի հիշատակը նրա նահատակության տարեդարձի կապակցությամբ»,- հայտարարություն է տարածել թուրքական ազգայնական կուսակցությունը՝ տեղադրելով MHP կուսակցության հիմնադիր Ալփարսլան Թյուրքեշի՝ Դուդաևի հետհամատեղ լուսանկարը։
Դուդաևի հիշատակը հարգել է նաև ընդդիմադիր ազգայնական «Լավ» կուսակցությունը:
Հիշեցնենք, որ ավելի վաղ Չեչնիայի ղեկավար Ռամզան Կադիրովը քննադատել էր թուրքական իշխանություններին՝ մեղադրելով նրանց ահաբեկչությունը կոծկելու մեջ։ Պատճառը Քյորֆեզ քաղաքում (Ստամբուլից 90 կիլոմետր դեպի արևելք) ինքնահռչակ Չեչենական Իչկերիայի Հանրապետության (Ռուսաստանում ահաբեկչական ճանաչված և արգելված) առաջին նախագահ Ջոհար Դուդաևի անվան այգու բացումն էր: Այնտեղ բացվել է նաև 1996 թվականի ապրիլին սպանված չեչեն անջատողականների առաջնորդի հուշարձանը։