Կիպրոսի թուրքերը հրաժարվել են վերադարձնել հունական Վարոշա թաղամասը

Հյուսիսային Կիպրոսի ինքնահռչակ թւրքական հանրապետության նախագահ Էրսին Թաթարը հունվարի 27-ին մեկնաբանել է Կիպրոսի հույներին հնարավոր զիջումները. գրում է թուրքական Daily Sabah թերթը։

Ելույթ ունենալով Թուրքիայի Կայսերի նահանգում՝ նա հայտարարել է. «Երբ մենք դիտարկում ենք առաջարկը, մեզ ասում են, որ մենք պետք է վերադարձնենք Վարոշան, և որ Էրջան օդանավակայանը կարող է բացվել ուղիղ չվերթերի համար` ՄԱԿ-ի հովանու ներքո։ Մենք չենք կարող դա ընդունել… Վարոշան մեծ ծառայություն է մատուցել ՀԿԹՀ-ի և՛ տնտեսությանը, և՛ զբոսաշրջությանը»։

Էրսին Թաթարը նշել է, որ նույնիսկ կորոնավիրուսի համաճարակի ժամանակ Վարոշա է այցելել 400 հազար զբոսաշրջիկ, ինչի կապակցությամբ ավելացրել է. «Հուսանք՝ համաճարակից հետո շարժումը շատ ավելի ինտենսիվ կլինի»։

Հիշեցնենք, որ Թուրքիան կղզին օկուպացրել է 1974 թ.-ից։ Վարոշա քաղաքը տասնամյակներ մնացել էր որպես ուրվական քաղաք. 2021 թ. Թուրքիան որոշեց վերաբացել այն։