Կիպրոսցի թուրքերը հայտարարել են, որ ԵՄ-ն ի վիճակի չէ սահմանել Կիպրոսի խնդրի լուծման մոդել

Ըստ Հյուսիսային Կիպրոսի չճանաչված թուրքական հանրապետության (ՀԿԹՀ) արտաքին գործերի նախարարության՝ Եվրամիությունը կորցրել է վստահությունը կիպրոսցի թուրքերի մոտ և չունի կղզու խնդրի լուծման մոդելը որոշելու արտոնություն:

«ԵՄ արտգործնախարար Ժոզեպ Բորելի վերջին խոսքերը՝ ուղղված Կիպրոսում երկու պետությունների լուծման դեմ, շատ ցավալի են»,- ասվում է նախարարության հայտարարության մեջ:

«Այս ցավալի հայտարարությունը ցույց է տալիս, թե որքանով է կողմնակալ ԵՄ-ն՝ կիպրոսցի թուրքերի արդարացի պահանջներն ու ցանկությունները հասկանալու առումով: Հասկանալի է, որ Կիպրոսի վերաբերյալ դաշինքի տեսլականը ձևավորվել է ոչ ճիշտ գնահատականների հիման վրա: Այդ պատճառով Եվրամիությունը չի կարող ղեկավարել լուծման մոդելի մշակման գործընթացը»,- հավելել է նախարարությունը:

Վերջերս Կիպրոսի թուրքական համայնքի ղեկավարությունը հայտարարել է, որ դաշնային ձևաչափի փոխարեն ճիշտ որոշում է համարում կղզում երկու անկախ պետություն ստեղծելը: