Ժիրինովսկին հորդորել է դադարեցնել օգնել Հայաստանին ընդդեմ Ադրբեջանի

ՌԴ Պետդումայի Լիբերալ–դեմոկրատական խմբակցության ղեկավար Վլադիմիր Ժիրինովսկին կոչ է արել դադարեցնել այլ երկրների բազմակողմանի օգնության տրամադրումը: Ըստ պատգամավորի՝ ճիշտ քայլը կլինի սեփական քաղաքացիներին օգնելը։

«Մեր երկիրը 70 տարի օգնել է ամբողջ աշխարհին: Մենք մեր ամբողջ կարողությունը տվել ենք օտարերկրյա կուսակցություններին, այլ երկրների: Եվ ես պայքարեցի դրա դեմ, և Լիբերալ-դեմոկրատական կուսակցությունը պայքարեց և պայքարում է նրանց օգնելը դադարեցնելու համար: Ահա Բելառուսը` վերջին երկիրը, որին մենք քարշ ենք տալիս մեր հետևից»,- նշել է նա:

Վլադիմիր Ժիրինովսկին կարծում է, որ դաշնակիցների հետ անհրաժեշտ է «զգոն բարեկամության» քաղաքականություն, այլ ոչ թե մարդասիրական օգնություն:

«Մենք հիմա օգնում ենք Հայաստանին ընդդեմ Ադրբեջանի: Արդեն ձևավորում են ինքնաթիռներ՝ օգնելու Աֆղանստանից քաղցածներին: Լիբերալ-դեմոկրատական կուսակցությունը դեմ է դրան: Եվ մենք անընդհատ դեմ ենք գործելու։ Ոչ մի գրամ ուտելիք ոչ մի երկրի: Ոչ մի կոպեկ ոչ մի երկրի: Մեր ոչ մի զինվոր չպետք է ուղարկվի որևէ երկիր: Մենք պետք է օգնենք մեր քաղաքացիներին, սա կլինի ճիշտ քայլը»,- եզրափակել է նա: