Թուրքիան Սիրիայի տարածքներում վարում է թուրքացման քաղաքականություն

Ռազմատենչ թուրքական պետությունը շարունակում է իր թուրքացման քաղաքականությունը տարբեր մեթոդներով, ինչպիսիք են թուրքերենի և արժույթի պարտադրումը Սիրիայի օկուպացված հատվածում, հատկապես` Աֆրինում, Սարեքանիեում և Թել Աբյադում: Սիրիայում թուրքացումը Թուրքիայի նախագահ Ռեջեփ Թայիփ Էրդողանի՝  Օսմանյան կայսրությունը վերակենդանացնելու փորձերից մեկն է. գրում է քրդական Firat գործակալությունը։

Մարդու իրավունքների սիրիական ծառայությունը (SOHR) հայտնել է, որ «ժամանակավոր կառավարության» մաս կազմող Ազազ համալսարանի վարչակազմը նոր ուսումնական տարում բացել է նոր բաժիններ, ինչպիսին է Հաղորդակցության և թուրքերեն լեզվի ֆակուլտետը:

Միջազգային օրենքներին և ՄԱԿ-ի կոնվենցիային համապատասխան՝ թուրքական պետությունն այս տարածքներում ուժ չունի, քանի որ Սիրիայի այս շրջանները օկուպացիայի տակ են: