Թուրքիան նոր քաղաքականություն է վարում տարածաշրջանում

Թուրքիայի քաղաքական նպատակները Սիրիայում ակնհայտ են. լրագրողների հետ հանդիպման ժամանակ ասաց ՀՀ ԳԱԱ արևելագիտության ինստիտուտի տնօրեն Ռուբեն Սաֆրաստյանը:

Ըստ նրա` տարածաշրջանում լուրջ գործընթացներ են տեղի ունենում, քանի որ տարածաշրջանային քաղաքական թատերաբեմ են դուրս եկել իսլամամետ ուժերը, բացի այդ` ուժեղացել են նաեւ Արևմուտքի, հատկապես` Միացյալ Նահանգների ջանքերը:

«Թուրքիան, համաձայնելով իր տարածքում հակահրթիռային պաշտպանության ռադար տեղակայել, դարձյալ գործարքի մեջ է մտնում Միացյալ Նահանգների հետ` նրանից ստանալով իր դիրքերը Մերձավոր Արևելքում ուժեղացնելու հնարավորություն»,- նշեց  թուրքագետը:

Բանախոսի խոսքերով` Սիրիայում Թուրքիան մի կողմից գործում է ի շահ Արևմուտքի, մյուս կողմից` ի շահ իր ծրագրերի:

Լրագրողների հարցին, թե հնարավո՞ր է, արդյոք, որ Ադրբեջանը, առիթից օգտվելով, ռազմական գործունեություն սկսի Հայաստանի դեմ, թուրքագետն ասաց,  որ մենք պետք է զգոն լինենք, պատրաստ` ամենավատին: