Այս պահին Երևանում sett-weather
Փոխարժեքներ 22 11 2024
USD ⚊ $ 389.76
EUR ⚊ € 406.4
RUB ⚊ ₽ 3.79
GBP ⚊ £ 488.37
GEL ⚊ ₾ 142.31
կարևոր
0 դիտում, 3 տարի առաջ - 2021-07-30 19:29
Քաղաքական

Արցախի ԿԳՄՍ նախարարի մարտահրավերը՝ կարդալ Վ. Թոթովենցի «Բաքու»-ն

Արցախի ԿԳՄՍ նախարարի մարտահրավերը՝ կարդալ Վ. Թոթովենցի «Բաքու»-ն

Մարտակերտի թիվ 1 դպրոցի ուսուցչուհի Նատաշա Պողոսյանն ընդունել է Արցախի ԿԳՄՍ նախարարի՝ Արցախի հայոց լեզվի և գրականության ուսուցիչներին ուղարկված մարտահրավեր֊առաջարկը՝ ամառվա ընթացքում կարդալ Վահան Թոթովենցի «Բաքու» եռահատոր վեպը։ Այն խորհրդային տարիներին արգելված է եղել, և պահպանվել են վեպի եզակի օրինակներ։ Ուսուցչուհին այդ առիթով նշել է.

«Ընդունում եմ Արցախի ԿԳՄՍ նախարար Լուսինե Ղարախանյանի մարտահրավերը, որ վերջերս ուղարկել էր Արցախի հայոց լեզվի և գրականության բոլոր ուսուցիչներին՝ Վահան Թոթովենցի «Բաքու» վեպի ընթերցանությամբ:

Ճիշտն ասած, ուսուցիչներին դեպի ընթերցանություն տանելու այս մոտեցումը շատ ողջունելի է, հիացմունքս մեր հարգարժան նախարարին: Մյուս կողմից ինձ շատ հետաքրքրեց գիրքը՝ այս տողերով.
«Վեպ սիրո, նավթի, սև փողերի, կարգերի բախման և այլ մութ անցքերի մասին, հայաշատ Բաքու, որտեղ նույնիսկ չկար «ադրբեջանցի» հասկացությունը»:
 
Թոթովենցի «Բաքու» եռահատոր վեպը ժամանակին արգելվել է և շուրջ իննսուն տարի մնացել ընդհատակում։ Գրողը ստալինյան անհիմն հալածանքների զոհ է դարձել, գնդակահարվել: Գրքի առաջին հրատարակությունից պահպանվել է մի քանի օրինակ։
 
Բայց գիրքը նոր հրատարակություն ունի, «Էդիթ Պրինտ» հրատարակչությունը վերահրատարակել է եռահատոր վեպը մեկ գրքով:
Շնորհակալությունս տիկին Ղարախանյանին, այս գիրքն իննսուն տարի անց մեզ պարտավորեցնում է ընթերցել՝ ի հեճուկս մեր թշնամիների: Երևի նրանց համար էլ «աչքալուսանք» կլինի, թե իր ժամանակ հայերն ինչպիսի մեծ ազդեցություն են ունեցել Բաքվում:
 
Շնորհակալություն Մարտակերտի կենտրոնական գրադարանի տնօրենությանը, երբ գիրքը գրադարանում չկար, բայց շտապ հետաքրքրվել, նոր հրատարակության մեկ օրինակ է ձեռք բերել, փոխանցել ընթերցողիս»:
 
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը