Այսօր՝ ժամը 20:00-ին, Մ. Զաքարյանի աջակիցները հավաքվելու են դատարանի «Ավան» նստավայրի առջև

Այսօր՝ ժամը 20:00-ին, Երևան քաղաքի առաջին ատյանի ընդհանուր իրավասության դատարանի «Ավան» նստավայրում (Նոր Նորքի 4-րդ զանգված, Գյուլիքևխյան փող., 20 շենք) տեղի է ունենալու Մեղրիի արդեն նախկին համայնքապետ Մխիթար Զաքարյանի կալանքի միջնորդության քննությունը: Նույն ժամին դատարանի շենքի բակում հավաքվելու են Զաքարյանի աջակիցները և քաղաքական թիմի ներկայացուցիչները:

Հիշեցնենք, որ անցած գիշերը Մխիթար Զաքարյանը հրավիրվել էր ՀՀ ոստիկանության 6-րդ վարչություն: Ծանուցման ժամին պաշտպանի հետ նա ներկայացել է, սակայն ոչ ոք նրան ներս չի թողել: Մոտ 10 րոպե հետո դիմակավորված անձինք մոտեցել են, Զաքարյանին գցել գետնին, այնուհետև, պաշտպանին մի կողմ հրելով՝ Մխիթար Զաքարյանին տարել են անհայտ ուղղությամբ։ 

Իսկ շաբաթ օրը ԿԸՀ-ն Մխիթար Զաքարյանի իրավունքների կոպիտ խախտմամբ և ակնհայտ ապօրինի կերպով նիստ էր գումարել և բավարարել դատախազության՝ Մեղրիի նախկին համայնքապետի նկատմամբ քրեական հետապնդում հարուցելու և ազատությունից զրկելու հարցում համաձայնություն ստանալու միջնորդությունը:

 Տես նաև՝ ՏԵՍԱՆՅՈՒԹ․ Մխիթար Զաքարյանի թևի վրա հրազենային վիրավորում կա դեռ պատերազմից․ պաշտպան