Մերկելը աջակցություն է հայտնել Իսրայելին

Գերմանիայի կանցլեր Անգելա Մերկելը հեռախոսազրույց է ունեցել Իսրայելի վարչապետ Բինյամին Նեթանյահուի հետ, որի ընթացքում աջակցություն է հայտնել Իսրայելի իշխանություններին: Այս մասին հայտնել է Գերմանիայի նախարարների կաբինետի պաշտոնական ներկայացուցիչ Շտեֆեն Զայբերտը:

«Կանցլերը կրկին խստորեն դատապարտել է Գազայի հատվածից Իսրայելի ուղղությամբ շարունակվող հրթիռային հարձակումները և վարչապետին հավաստիացրել ԳԴՀ կառավարության համերաշխության մասին: Նա շեշտել է Իսրայելի իրավունքը՝ պաշտպանվել հարձակումներից»,- Զայբերտի խոսքերն է մեջբերում ՏԱՍՍ-ը:

Նշվում է, որ Մերկելը «նաև շեշտել է, որ Գերմանիայի կառավարությունը շարունակելու է վճռականորեն ընդդիմանալ Գերմանիայում բողոքի ցույցերին, որոնք ատելություն ու հակասեմականություն են տարածում»: