Զոհվել է ՀՊՄՀ-ի շրջանավարտ Ավետիք Կարճիկյանը

Հայրենիքի սահմանները պաշտպանելիս զոհվել է Մանկավարժական համալսարանի շրջանավարտ Ավետիք Կարճիկյանը: Այս մասին հայտնում է Համալսարանի էջը։

Ավետիք Կարճիկյանը երկու տարի առաջ էր ավարտել բուհի Իրավագիտության բաժինը: Պատերազմի ընթացքում մարտնչել է կռվի ամենաթեժ կետերից Մեխակավանում: 

Բարձր առաջադիմությամբ, ուշիմ, ժտերես, հետաքրքրասեր և սիրված բոլորի կողմից. այսպես են նկարագրում Ավետիք Կարճիկյանին ճանաչողները: Մարտական ընկերների հավաստմամբ` իրենք Ավետիք Կարճիկյանին «դոկտոր» էին ասում, քանի որ մշտապես օգնում էր վիրավոր զինվորներին. մայրը բժշկուհի է, և նա լավ էր տիրապետում առաջին բուժօգնության կանոններին: 

Մանկավարժական համալսարանի պրոֆեսորադասախոսական կազմն ու ուսանողներն իրենց խորը վշտակցությունն են հայտնում Ավետիք Կարճիկյանի հարազատներին ու մտերիմներին: