ՌԴ ՊՆ-ից տեղեկացրել են Արցախում թեժ գծի աշխատանքների մասին

Խաղաղապահ գործունեության կառավարման կենտրոնում գործում է կորած հայ զինծառայողների մասին տեղեկությունների հավաքագրման թեժ գիծ: Դիմումների ընդունումն իրականացնող հերթապահ սպաները դիմած հարազատներից ճշտում են որոնումների ենթադրյալ շրջանը, ինչպես նաեւ կորած զինծառայողների կոնտակտային տվյալները: Այս մասին հայտնում է ՌԴ ՊՆ-ն:

Ստեփանակերտի խաղաղապահ գործունեության կառավարման կենտրոնի թեժ գծին նոյեմբերի 30-ից դեկտեմբերի 4-ն ընկած ժամանակահատվածում ստացվել է 214 դիմում՝ անհայտ  կորած հայ զինծառայողների վերաբերյալ:

Ստուգվել, մշակվել եւ որոնողական խմբին է հանձնվել 186 զինծառայողների մասին տվյալները, հեռախոսով հոգեբանական օգնություն է ցուցաբերվել 45 քաղաքացու:  

Դեկտեմբերի 6-ի դրությամբ ավելի քան 1900 քաղաքացի է դիմել անհայտ կորած հարազատների որոնման, գույքի վերադարձման և այլ հարցերով: