Բռունցքվելն է հավերժությունը Հայաստանի․ գործունեությունն է սկսել «Բռունցք 2020» բարեգործական կազմակերպությունը

Ս․թ․ հոկտեմբերի 22–ին իր գործունեությունն է սկսել «Բռունք 2020» բարեգործական

հասարակական կազմակերպությունը՝ նպատակ ունենալով ամուր պահել Արցախի

թիկունքը, լինել արցախցիների կողքին և աջակցել առաջնագծում կանգնած զինվորին:

Դրանից հետո, երբ հարկ է լինելու ցուցաբերել աջակցություն Արցախի զարգացմանն

առնչվող ծրագրերի իրականացման աշխատանքներին հետպատերազմյան

ժամանակաշրջանում« «Բռունք 2020» ՀԿ-ն կպատասխանի նաև այդ մարտահրավերին:

«Մեր գործունեությունը սկսել ենք դեռևս սեպտեմբերի 28-ից՝ քաջ գիտակցելով, որ ամուր

թիկունքի շնորհիվ էլ ավելի ենք ուժեղացնում մեր բանակը: Սկսել ենք ընկերներով և մեր

շրջապատով: Հիմնադիր խորհուրդի ժողովից հետո նախանշեցինք մեր աշխատանքների

ուղղությունները՝ հաշվի առնելով ընթացիկ պահանջները, մարտահրավերները և, իհարկե,

մեր հնարավորությունները»,–նշում է ՀԿ-ի քարտուղար Լև Մինասյանը:

Ներկայումս բարեգործական կազմակերպությունն իր ջանքերը կենտրոնացրել է հետևյալ

ուղղություններով՝

1. Առաջնագծում կանգնած հերոսներին աջակցություն

2. Արցախից ժամանակավորապես ՀՀ տեղափոխված ընտանիքներին ապահովել

առաջին անհրաժեշտության պարագաներով՝ հագուստ, սնունդ, հիգիենայի

պարագաներ

3. Ի լրումն վերը նշված առաջին անհրաժեշտության պարագաների, Արցախի

Հանրապետության ապաստարաններում բնակվող մեր հայրենակիցներին

տրամադրել նաև սպիտակեղեն և անկողնային պարագաներ, նավթավառներ,

ծալովի մահճակալներ, տարբեր էլեկտրական սարքավորումներ և այլն:

Սննդի և հիգիենայի պարագաների ցանկը, համապատասխանեցնելով տեղի

պետական մարմինների հետ, տեսակավորվել է, տեղավորվել արկղերի մեջ՝

նախատեսելով 1 արկղը 1 անձին 3 օրվա համար։

Տեղեկացնենք նաև, որ նշված ողջ աշխատանքների իրականացման ընթացքում

բարեգործական ՀԿ–ի կողմից կատարվել են փաստաթղթային գրանցումներ՝ հանձնման

ընդունման ակտերով, ստացականներով և այլն:

Աջակցության, ինչպես նաև համագործակցության համար մեր հայրենակիցները «Բռունցք 2020» բարեգործական հասարակական կազմակերպություն կարող են դիմել հետևյալ կոնտակտային տվյալներով՝

Շտաբ-պահեստ՝ ք. Երևան, Արաբկիր 27փ․ 1/6 շենք (RIO Mall-ի հարևանությամբ)

Հեռ․՝ +374 77 25 29 88